Cuarteto Gerhard

Programa

L.v. BEETHOVEN 

• Cuarteto nº 16, Op. 135

• Cuarteto nº 15, Op. 132

   

Cuarteto Gerhard

Lluis Castán Cochs, violín

Judit Bardolet Vilaró, violín

Miquel Jordà Saún, viola

Jesús Miralles Roger, violoncello

Considerado un dos cuartetos máis destacados da súa xeración a nivel internacional, o Cuarteto Gerhard distínguese pola súa notable sensibilidade polo son e por un profundo respecto pola música como un dos maiores valores humanos.

Como cuarteto as súas principais influencias foron en Basilea (Rainer Schmidt), Berlín (Eberhard Feltz) e Hannover (Oliver Wille) onde obtivo a primeira Matrícula de Honra en música de cámara de toda a historia da Hochschule. Tamén formaron parte do programa do Instituto de Cámara da Escola Superior de Música Reina Sofá con Günter Picher, sendo bolseiros da escola.

Gañadores de varios premios nacionais e internacionais, o Cuarteto Gerhard participou en importantes escenarios internacionais como Concertgebouw e Muziekgebouw Ámsterdan (Holanda), Elbphilharmonie Hamburg (Alemaña), Tempada de música de cámara Stadt-Casino de Basilea (Suíza), o festival de cuartetos de corda de Bordeos e o Festival Radio France Montpellier (Francia), e Tempada Musikamera na Fenice de Venecia (Italia) entre outros. Tamén foron invitados a Festivais de verán de prestixio como a Schubertiada de Vilabertran, Festival Pau Casals do Vendrell, Porta Ferrada, Aix-en Provence e Verbier. A partir de 2023 forman parte da Plataforma Merita que lles outorga unha proxección internacional relevante. Tamén son residentes na Quincena Musical de San Sebastián e no Festival de Torroella de Montgrí coa integral dos cuartetos de Shostakovich.

É destacable o seu compromiso coa música de nova creación, actuando en eventos relevantes como o ciclo do CNDM de Madrid (España), Nuit de la Création en Aix-en Provence (Francia), KunstFest Weimar (Alemaña) e no Arnold Schoenberg Center de Viena (Austria).

A nivel discográfico cabe destacar o seu álbum Portrait (Seed Music 2016) – premio da crítica ao mellor CD 2016, un lanzamento con obras de Kurtág, Berg e Schumann baixo a discográfica Harmonia Mundi International e un novo CD Ad Astra (Klarthe, 2023) con obras de Ramon Humet e Debussy, tamén premido pola revista 440 como “Mellor disco de Clásica 2024”. Tamén é destacable a súa participación no documental Revolutionary Quartet. L’enigma Gerhard de Xavier Bosch e Josep Badell, que obtiveron o prestixioso premio INEDIT 2023.

O nome do cuarteto rende homenaxe a Roberto Gerhard, alumno de Arnold Schönberg e un dos compositores cataláns con máis renome internacional do século XX. Actualmente teñen a súa base en Tarragona.