Orquestra SinfónicaVigo 430 – 5 de xuño

XLVIII Semana de Música do Corpus – Festival Cidade de Lugo

Sábado, 5 de xuño de 2021  – Círculo das Artes de Lugo, 20:00 h

Orquestra Sinfónica Vigo 430

Isabel Rubio, directora

Marie Chilemme, viola

Obras de Herschel, Hoffmeister e Haydn

 

 

 

 

 

 

 

Programa:

Herschel (1738-1822) – Sinfonía nº 8 en do menor
A. Hoffmeister (1754-1812) – Concerto para viola e orquestra en do maior

      Marie Chilemme, viola

F. J. Haydn (1732-1809) – Sinfonía nº 48 en do maior, Hob. I/48 “María Theresia”
 

Orquestra Vigo 430

A Vigo 430 comeza a funcionar no ano 2005, coa premisa de crear un núcleo de corda de calidade na cidade de Vigo para, xa a partir do 2009, abordar progresivamente repertorio sinfónico. Nos seus inicios foi coñecida como Ensemble Vigo 430 debido ao seu interese en potenciar precisamente ese núcleo de corda e no que a presenza das seccións de vento era mínima e os programas a abordar moi centrados na música para orquestra de cámara do clasicismo e o barroco pero con incursións tamén na música contemporánea. A partir do 2009 comezan a incluírse repertorios para orquestra completa, centrándose neste tipo de composicións as súas programacións dende ese momento e pasando a configurarse un núcleo de ventos tamén estable. Cámbiase neste momento o nome a Orquestra Vigo 430 ao entenderse que responde mellor ao espírito e realidade da nova formación. No 2011 comezan a organizarse os seus primeiros ciclos estables de música compostos por programacións de catro concertos coa intención de configurar unha tempada musical. No 2012 créanse as primeiras seccións para atender as necesidades do proxecto; así en setembro dará o primeiro concerto a Orquestra Xove, unha orquestra dirixida a rapaces e que pretende servir de canteira musical e formativa para aqueles músicos que aspiren a formar parte da agrupación principal. Deste modo comeza a denominarse a agrupación principal como Orquestra Sinfónica, diferenciándose así da Orquestra Xove.

No ano 2014 créase ademais a sección especializada en música antiga, a Orquestra Barroca.

Froito de todo este traballo de máis de quince anos é o recoñecemento recibido no 2014 ao ser galardoado o proxecto 430 cos Premios Martín Códax na categoría de Música Clásica e contemporánea. A partir do 2015 comeza a súa andadura como orquestra residente do Auditorio Mar de Vigo e consolidando dende entón unha tempada de concertos anual.

Isabel Rubio, directora

 Directora de Orquestra murciana, actualmente Directora Asociada da Orquestra Vigo 430 e a Joven Orquesta Sinfónica de Granada. Foi Directora Asistente da Orquestra de Valencia na tempada 2018-2019 e asistente de Lucas Macías na Joven Orquesta Nacional de España (JONDE) 2021. Tamén dirixiu a Orquestra Federal da Comunidade Valenciana, a Joven Orquesta de Castellón, a Orquestra de Cámara Sine Tempore e as Bandas Municipais de Madrid, Bilbao, Alacante, Pontevedra, Santiago de Compostela e Vitoria. Exerceu como Directora Titular das Bandas de San Pedro del Pinatar e Santomera en Murcia, e a Banda de Lalín en Pontevedra. Foi membro da Brussels Philarmonic Orchestra, a Chapelle Musicale de Tournai en Bélxica, e da Orquestra Sinfónica da Rexión de Murcia. Foi ganadora do I Concurso de Dirección de Orquestra en Alacante, do I Concurso Internacional de Dirección Cidade de Villena e gañadora dos I Encontros sobre Dirección Orquestral en Bilbao.

No ámbito internacional, foi seleccionada en diversos concursos de dirección en Francia (Besançon), Portugal, Alemaña, Holanda e Italia, onde resultou semifinalista do XI Concurso Internacional Premio Guido Cantelli. Dirixe en festivais de alto prestixio como o Festival Internacional da Semana de Música Relixiosa de Cuenca, os Encontros de Composición da Orquestra de Valencia, o Ourearte Music Fest en Portugal, o Concurso Internacional de Violín CullerArts e o Festival Internacional de Música de Cine de Málaga. Entre os seus próximos compromisos destacan ser invitada á Orquestra Filharmónica de Gran Canaria, a Orquestra de Cambra Illa de Menorca, a Oviedo Filarmonía e á Orquestra Sinfónica da Rexión de Murcia.

Marie Chilemme, viola

Marie Chilemme naceu en Toulouse (Francia) en 1988. Comezou os seus estudos de viola cando tiña tres anos. En 2005, entrou no Conservatoire National Supérieur de Musique (CNSM) de París na clase de Jean Sulem.

Dende 2008 a 2013, foi seleccionada pola Academy Ozawa de Suíza (IMAS) onde traballou e estudou baixo a orientación de Pamela Franck, Robert Mann, Sadao Arada, Nobuko Imai e Seiji Ozawa.

En 2010, graduouse cos máximos honores do CNSM de París cun máster. Marie entrou despois na clase de Tabea Zimmermann no Hochschule Hanns Eisler de Berlín mentres asistía á clase de cuarteto de corda do Artemis Quartet.

En 2012, ela e máis o seu irmán crearon o Quatuor Cavatine, gañando a prestixiosa International Competition of Chamber music of Hamburg (ICMC; Concurso Internacional de Música de Cámara) e o segundo gran premio no concurso internacional de cuartetos de corda en Banff, Canadá (Bisqc).

Marie pasou a ser residente da Capela de música da Raíña Isabel en Bruxelas e estudante na clase de viola de Miguel da Silva.

En outubro de 2017, uniuse ao Quatuor EBÈNE. En 2019 colaboraron nunha gravación dos Cuartetos de corda completos de Beethoven. Esta gravación foi aclamada pola crítica de todo o mundo.